sru:version: 1.2; sru:query: fcs.rf="mecmua.1_180"; fcs:x-context: mecmua; fcs:x-dataview: title,full; sru:startRecord: 1; sru:maximumRecords: 10; sru:query: fcs.rf="mecmua.1_180"; sru:baseUrl: ; fcs:returnedRecords: 1; fcs:duration: PT0.033S PT0.041S; fcs:transformedQuery: /descendant-or-self::fcs:resourceFragment[ft:query(@resourcefragment-pid,<query><phrase>mecmua.1_180</phrase></query>)];

279 Eyle otuz daqīq[‑]i [!] gendüm var
Āb‑i līmūn ile yoġur tekrār

280 Sülümen‑ile zībeqi öldür
Hem ḫamīr eyle ṣoñra ḥablar olur

281 Şu firenk bādı birle sızıları
Giderür iẕn‑i ḥaqq‑ile buları

282 Olsa mecrŭḥ teni qamu ser pā
Qurtulur ʿavn‑i ḥaqq‑ile cānā

283 Aġzına urmaz u elem çekmez
Bu ʿilācı kim ėtse ġam çekmez

284 Şol mizācı żaʿīf olan ādem
Görse ḥabbuñ ʿalāmetin ol dem

285 Bir dişinüñ şişerse dibi eger
İki üc gün yėmeye ėde ḫaẕer [!]

286 Gėrü başlaya heb yiye ḥabbı
Sebeb ol sen şifā vėre Rabbı

287 Yaġdan ṭutsiden bu ḥab yegdür
Böyle tertīb olursa heb yegdür

devā‑yi dīger frenk

288 Şimdi bir ṭutsiden beyān ėdelüm
Ḥükemā sırrını ʿiyān ėdelüm

289 Evvel al beş direm zincifre
Üc bölüb üç‑gün anı ṭutsudıra [?]

290 Her birinde yatub döke terler
Ṣaqınub ṣovuġa ṣoqunmayalar

291 Bu firenk zaḥmetin ėder zāyil
Ḫoşça āsān devādur el‑ḥāṣıl

292 Bu ʿilāc‑ile hem nice ėdem
Elümüzden şifā bulubdur hem

293 Bir direm sülümen bile ola ger
Kāmil olur bil anı ey server

294 Ṣızı qomaz bedende bir güne dek
Ṣıdqumuz biline bunı ėdicek

devā‑yi dīger

295 Eger isterler ise yaġlamaġı
Aña sen ḥāẓır eyle işbu yaġı [?]

296 Buña meflūc yaġı dėr ḥükemā
Bu mücerrebdür ol derde devā

297 Niçe yıllar büzülse el ve ayaq
Aña bu yaġ‑ile sen eyle yaraq

298 Şol firenk zaḥmeti kim azmış ola
Gendüden miḥnet‑ile bezmiş ola

299 Ḥaẕer ėtme bu yaġ‑ile yaġla
Ṣovuq olmaya vaqti çaġla

300 Ayaġından ṭopuq vü diz ile yan
El bilek dirsek omuz arqa hemān